NA Estrada-525

En febreiro, Wilde, Wilde

2012-02-07T21:22:00.001Z

Vémonos o mércores 8 de febreiro para charlar doblemente sobre Wilde: O retrato de Dorian Gray e A pantasma de Canterville. Recorda que a conversa comeza ás 16,30 horas.
P.D. Non sabemos se poderá acudir o autor, pero haberá sorpresas...

Suso de Toro compartiu charla con nós

2012-01-15T19:31:00.005Z

O mércores 11 de xaneiro Suso de Toro estivo no noso club de lectura falando de Calzados Lola e A sombra cazadora. Como moitos membros non puideron acudir polo conservatorio e os irmáns aos que coidar,... lles mostramos dúas imaxes para darlles envexa... O biscoito delicioso, os bombóms máis e o autor foi tan ameno e tan xeneroso que se nos fixo de noite sen darnos de conta.

"Calzados Lola" e "A sombra cazadora" en xaneiro

2012-01-08T23:27:00.004Z

Sen pensalo entramos no 2012... e retomamos as conversas do club. Reunímonos o mércores 11 de xaneiro para compartir a charla en torno a dúas novelas de Suso de Toro, Calzados Lola e A sombra cazadora.
Vémonos na biblioteca ás 16,30.

Mércores 21 de decembro. Chegouvos a Mensaxe?

2011-12-18T23:37:00.004Z

O mércores, despois das clases da mañá, vémonos na biblio para compartir comida e charla... Agárdanos unha sesión... de cómic!!!
Recordade que esta vez o autor da obra está entre nós.
Traede o bocata.

Compartimos con Vázquez Freire a charla

2011-11-13T20:39:00.004Z

Na última reunión do club de lectura, a sorpresa foi a presenza do autor da obra lida (Anxos en tempos de chuvia), Miguel Vázquez Freire. Compartiu con nós a charla sobre a novela e explicounos algúns dos aspectos textuais, da xénese, do proceso de escrita... Disfrutamos moito cos seus saberes e confidencias. Adicounos un exemplar que xa fai parte da nosa biblioteca.
Deixamos unha foto, aínda que hai moitas máis.

O mércores 9, primeira reunión do club (con sorpresa)

2011-11-04T22:18:00.004Z

Vos esperamos o mércores día 9 de novembro ás 16,30 na biblioteca para compartir un rato ao redor de Anxos en tempos de chuvia. Recordade traer o exemplar, ganas de falar e...

Venres 28 no 2º recreo, vémonos na Biblio

2011-10-26T19:38:00.004+01:00

O venres intercambiarémonos os exemplares de Anxos en tempos de chuvia. Se eres do primeiro prazo de lectura, acorda traelo para que aos da segunda quenda lles dea tempo a lelo.

Martes, 18 de outubro, reunión no 2º recreo

2011-10-17T18:38:00.002+01:00

Convocámosvos para unha reunión rápida mañán, martes no 2º recreo. Pasade pola biblioteca. Temos sorpresas para vos.

Preparando motores...

2011-10-09T16:11:00.004+01:00

O luns 10, no 2º recreo na biblio, recolleremos as autorizacións para participar no club.

As sinais do primeiro día

View more presentations from Dives Gallaecia

Venres 7 no 2º recreo, mini reunión

2011-10-06T17:56:00.002+01:00

O venres 7 de outubro vémonos no segundo recreo na Biblioteca, para a primeira toma de contacto. Vén pronto, logo colles o bocata!!!

5 de outubro, día da camiseta!

2011-10-04T21:43:00.005+01:00

O mércores pulularán polo instituto unha chea de camisetas...

Mira os sinais polo vestíbulo, podes unirte.
Só tes que preguntar a calquera das persoas que vistan a camiseta do club; eles guiarante.

Pronto botaremos a andar!!!

Ata o próximo ano!!!

2011-06-28T21:51:00.006+01:00

O 23 de xuño comimos con Bernarda (e as súas fillas) aínda que algunha e algún tiveron que marchar para un exame...
Para abrirvos o apetito da próxima convocatoria, vede a diferencia entre a foto formal e a informal.
Por se sufrides de fame ou sede lectora... Orquídea recomenda:
1. Los Juegos del Hambre.
La guerra ha dejado transformado a Norteamérica en el país de Panem, dividido en doce distritos controlados por el tiránico poder del Capitolio. Sin libertad y en la pobreza, nadie puede salir de los límites de su distrito.
2.Willow
Los padres de Willow murieron en un trágico accidente de coche, dejándola no solo con el dolor que supone enfrentarse a una pérdida sino también con el peso de la culpabilidad, ya que era ella quien conducía...

Bo verán para tod@s!
E boa viaxe para os afortunados coas estancias no estranxeiro no mes de xullo!

Bernarda invítanos a xantar!!!

2011-06-13T18:03:00.005+01:00

O mércores 22 de xuño, despois das clases da mañá vémonos na entrada do insti, porque quedaremos a xantar con Bernarda (disque levantou o loito polo seu defunto).
Só teredes que:
1. Recoller previamente unha autorización que firmarán os vosos pais. Debedes entregárnola como moi tarde o luns. Preguntade por o papel ás de sempre.
2. Traer o exemplar para devolvelo na biblioteca.
3. Vir con apetito e gañas de conversa.
4. Alguén traerá unha cámara? Bernarda di que a súa era das de usar e tirar e caducou:)
5. Se fixera moito sol: crema protectora solar e sombreiro (véxase a foto anexa)
6. Pensar unha serie de propostas de lectura para propoñerlles aos compañeiros para o verán.
Vémonos!!!

Café na casa de Bernarda

2011-05-20T17:02:00.004+01:00

O mércores 25 de maio, Bernarda invítanos a tomar o café na súa casa (R/ da Cultura, MGB, Baixo B). Solicita puntualidade (16,30 horas), posto que tras o café e a charla iremos ao Teatro Principal d'A Estrada a felicitar aos compañeiros que este ano cursaron 2º de Bacharelato.
Podes ver un fragmento da representación aquí.

De excursión por Nigrán

2011-04-27T21:22:00.004+01:00

O 7 de abril os membros do club de lectura e o alumnado de 1º de bacharelato do MGB fumos a Nigrán para recoñecer os lugares por onde pasearan O Rubio, Leo Caldas e outras personaxes.
As explicacións recibidas dende Monteferro por Xosé Lois Vilar axudaronnos a desenmarañar o caso policial e valorar o traballo de documentación de Domingo Villar.
Despois de tanto axetreo (paseo, avaliacións...) nin tempo tivemos a mostrarvos a foto de grupo. Nótase que a experiencia foi estupenda?
Aínda non descubrimos que significa 'Madorra', pero modorra...
Foto: Miguel Bugallo

O mércores 13 de abril, á Praia!!!

2011-04-08T19:46:00.004+01:00

O mércores 13 de abril, ás 16,30 horas na MeGaBiblioteca falaremos de A praia dos afogados de Domingo Villar.
Con estas impropias calores no mes de abril, nada máis axeitado que refrescarse na Praia, aínda que esta ten algún cadáver e moito misterio. Traede a Leo Caldas, porque os exemplares decidiron pasar a Semana Santa en Ponte do Porto (na Costa do Morte, de seguro que eles precisarán menos explicacións sobre as artes de pesca que nós).
Os compañeiros de 1º de Bacharelato comentarannos a novela anterior do autor: Ollos de auga, e preparádevos, a terceira do inspector xa está no prelo.

En marzo, voarán Cometas en el cielo

2011-02-20T21:18:00.002Z

O mércores 16 de marzo charlaremos sobre Cometas en el cielo. Se aínda non tes o teu exemplar, ven a buscar os libros que xenerosamente nos prestaron os clubes de lectores Arao (do IES de Ponte do Porto) e do CPI de Pontecarreira.

Adiada a reunión para o 2º recreo do venres 18 de febreiro

2011-02-17T18:25:00.005Z

Se antes decimos "No pasó nada" resulta que un temporal activa a alerta amarela e a Consellería suspende as actividades extraescolares o mércores pola tarde... Menos mal que Skármeta espera por todos vós o venres no 2º recreo.
P.D. Non voltaremos a escoller ningún título que poda ser susceptible de ventos, temporais, nevadas... Menos mal que o sorriso de Lucho nos ilumina!

En febreiro, No pasa nada

2011-02-11T19:22:00.004Z

O 16 de febreiro charlaremos sobre a novela breve do chileno Skármeta. Se queres coñecer mellor ao autor... le e escoitao (ata canta)
Outras visións sobre a emigración, nos cómics Emigrantes, Freda ou Tim Oruno 2 na MeGaBiblioteca.

O 19 de xaneiro día do Orgullo (e do Prejuicio)

2011-01-12T20:23:00.005Z

O mércores 19 de xaneiro, ás 16,30 horas, reunirémonos para charlar sobre a novela de Jane Austen Orgullo y prejuicio.
Recuerda traerte a Lizzy, Darcy, Jane... y no te olvides de Mr. y Mrs. Bennet.

A nós tocounos a lotería!!!

2011-01-12T20:11:00.003Z

O pasado 22 de decembro enterámonos da resolución das subvencións para os clubs de lectura concedidas pola Consellería de Educación... e recibimos unha retribución económica para continuar coas actividades do club. Na súa maior parte este orzamento destinarase a adquisición de exemplares, que serán utilizados polos membros do club, a comunidade escolar do IES Manuel García Barros.
O premio, como podedes comprobar, foi por aproximación:)

Celebramos a lotería...

2010-12-21T21:52:00.004Z

O mércores 22 de decembro comentaremos a novela de Baricco, Seda. De seguro celebramos... a sorte de estar xuntos, da charla e...

Un novembro de Nobel

2010-11-19T20:44:00.003Z

O mércores 17 de novembro tomamos o chocolate con churros con Vargas Llosa:) e comentamos "La ciudad y los perros" deste recente gañador do Premio Nobel. Podedes facer os vosos comentarios en Letras frescas.

En Carboeiro...

2010-11-06T22:05:00.004Z

Trece membros do club fomos o venres pola tarde ao mosteiro de Carboeiro e reunímonos cos lectores de Portas, Cuntis, Porto do Son e Caldas. Eles nos ofreceron unhas representacións sobre o medo e nós límoslles "Casa tomada" un dos nosos relatos preferidos.
Aplaudimos o bo facer de todos eles cunhas postas en escea sorprendentes e tamén disfrutamos da "contada" de Celso Fernández Sanmartín, quen relatounos historias que a el lle contaron os maiores...

Imos a Carboeiro nunha tarde de medo!

2010-11-03T17:29:00.003Z

O venres 5 de novembro marchamos ao mosteiro de Carboeiro en Silleda para facer unha contada de medo. Compartiremos a experiencia cos membros dos clubes de lectura As campaíñas, Fraga de Novio, IESCALdasletras e As Portadas; dos centros educativos de Caldas de Reis, Cuntis, Portas e Porto do Son.

Recordade vestir roupa cómoda e de abrigo (e traer a comida). Ao saír das aulas ás 14,25 deixaremos as mochilas "académicas" gardadas e comeremos xuntos, ate que o autobús contratado cos outros clubes nos recolla (aproximadamente ás 16.00) e nos leve a Silleda. Esta actividade é exclusiva para os membros do club de lectura (que deberán entregar a autorización asinada polo titor legal). Ao regreso (previsto para as 19.30 horas) o autobús nos deixará no noso instituto.
As profesoras acompañantes serán Marga Vidal e Mayte leis (coordinadoras do club de lectura).
Ide preparándovos para o medo! Xa tendes preparada unha lectura? Precisamos tres ou catro voluntarios.

Mércores, 20 de outubro. Facendo as Américas

2010-10-24T11:55:00.005+01:00

O pasado mércores estivemos a falar dos relatos previamente seleccionados de dous dos mellores contistas hispanoamericanos: Julio Cortázar e Horacio Quiroga... Pero a conversa nos levou por camiños imprevistos, así poidemos observar o traballo do grupo blublu, xa que un dos textos comentados era "Graffitti".
Nesta primeira reunión poidemos ir coñecendo as preferencias lectoras dos novos membros do club e disfrutar deste tempo xuntos. Benvida a tod@s!
Deixade a vosa opinión no blog Letras frescas

Venres 15 de outubro, levamos de ler

2010-10-11T18:01:00.003+01:00

Para ir abrindo o apetito...
O venres (no segundo recreo) vos entregaremos a antoloxía de relatos que temos preparada sobre Julio Cortázar e Horacio Quiroga; mentres podedes escoitar o relato "Casa tomada" na voz do actor arxentino Alberto Laiseca.

Vémonos o venres 1 de outubro

2010-09-30T18:37:00.004+01:00

No segundo recreo do venres 1 de outubro vémonos os membros do club de lectura do curso pasado na biblioteca do MGB para falar dos novos proxectos.

Se vedes a algún compañeir@, avisádeo porque quizais non o saiba.

Agora no outono... Comezamos o camiño?

María y yo no cine

2010-07-17T12:34:00.003+01:00

Con relación a El curioso incidente del perro a medianoche que lemos no mes de marzo, recomendóusenos a lectura do cómic María y yo, unha grande historia dun home, pai dunha nena autista, María, que conta a súa viaxe ás illas Canarias. Miguel Gallardo e María Gallardo escribiron o libro que me transmitiu que os nenos “especiais” teñen unha condición; non buscan unha cura senón aceptación e respecto, pero tamén transmite as dificultades que sofren os país: impotencia ante a súa actitude que, en realidade, é a normal para estas cariñosas e inocentes persoas, e tamén, como consecuencias, os frecuentes problemas de convivencia. Agora o libro, bo e breve, pasou ás imaxes dinámicas: a película. Dirixida por Félix Fernández de Castro e coa imprescindible axuda do pai, lograron mostrar ao mundo o carisma da súa vida.

María y yo, o largometraxe, estreouse en cines onte venres 16 de xullo. Aquí tendes a ligazón do trailer:
http://www.elmundo.es/elmundo/trailers/fichas/2010/07/5089_maria_y_yo.html

Paula Romero

Acabouse...de momento.

2010-06-27T14:18:00.002+01:00

Pechamos o blogue do clube de lectores ata o ano que vén, despois dunha reunión final falando de todo un pouco. Esperámosvos o próximo curso lectivo ;)

Non puido ser...

2010-06-15T21:12:00.002+01:00

Desgraciadamente, temos recentes noticias de que Marilar Aleixandre non pode acudir ao clube por motivos personais, e o clube de lectura Ptolomeo decidiu non vir, debido a esto.

Por estes motivos, decidiuse pospoñer a reunión ao mércores 23, data na que é mais doado para os membros asistir. Vémonos na biblioteca do centro ás 12 da mañá , con cabeza ou sen ela...

Sorpresa!

2010-06-08T12:07:00.006+01:00

Moitos de vós xa o sabiades, pero o vindeiro mércores 16 teremos dous invitados moi especiais: un deles e o clube de lectura Ptolomeo , do IES Antón Fraguas (Santiago de Compostela). O outro invitado é Marilar Aleixandre, a autora do libro deste mes, e doutros moi coñecidos como "A expedición do Pacífico" ou "Teoría do Caos". ~~Vémonos o mércores 16 ás 4 e media na biblioteca do centro.~~ Esperámosvos.

Datos adicionais:
Web do clube de lectura Ptolomeo, aquí.
Marilar Aleixandre en Wikipedia (castelán).

Marilar Aleixandre en Wikipedia (galego, máis completo).

ADVERTENCIA: Esta reunión, por desgraza, cambiouse. Podes ver a información aquí.

Vén buscalos!!!

2010-05-18T21:48:00.003+01:00

Xa temos cinco exemplares de A cabeza da Medusa á vosa disposición. Vinde buscalos á biblioteca.

Se desexas ler recensións sobre a novela, consulta: http://redelectura.blogspot.com/2009/04/cabeza-da-medusa.html

Lembra que vémonos o 16 de xuño !!!

O 16 de Xuño, A Cabeza da Medusa

2010-05-12T18:16:00.002+01:00

Tras un lixeiro "fracaso" de Nada entre os lectores do clube (asistentes e non asistentes), o 16 de xuño, na nosa derradeira sesión anual, comentaremos A Cabeza da Medusa , obra de Marilar Aleixandre, autora de coñecidas obras como "A Expedición do Pacífico" ou "Paxaros de papel". Non esquezades o voso exemplar (se ainda non o tedes xa sabedes a quen acudir).
Esperámosvos.

O mércores 12, Nada

2010-04-20T14:47:00.001+01:00

Nada, de Carmen Laforet, é o libro escollido para a reunión do clube de lectores que terá lugar o 12 de Maio. Xa sabedes a hora: 4:30 na biblioteca do IES M. García Barros. Non esquezades trae-lo voso exemplar e o estómago baleiro...

Mércores 7 de abril, a segar o centeo!

2010-04-06T19:58:00.003+01:00

O mércores 7 de abril comentaremos El guardián entre el centeno, a obra xa clásica de J.D. Salinger. Vémonos, coma sempre ás 16,30 na biblioteca do MGB. Acordádevos de traer os exemplares que nos prestou o CPI da Baña, para devolverllelos.

En marzo, El curioso incidente del perro a medianoche

2010-03-24T22:23:00.010Z

O mércores 24 falamos sobre El curioso incidente del perro a medianoche mentres nos deleitamos con un exquisito chocolate con churros.
Para abril leremos Un guardián entre el centeno de J. D. Salinger. Se non tes o teu ejemplar non dubides en pedilo na biblioteca; hai exemplares suficientes que no los prestou o CPI da Baña. Achégate a compartir opinións o día 7 de abril ás 16:30.
Podedes ler a entrada que un membro do club escribiu en Letras Frescas (si, é o blogue da túa dereita, tica e xa entras).

J.C.

Febreiro, Un loto en la nieve

2010-02-09T21:24:00.004Z

O mércores 10 de febreiro, ás 16,30 charlaremos sobre a novela Un loto en la nieve. Para compensar os fríos asturianos e tibetanos merendaremos chocolate quentiño!

Se non estamos na biblioteca, búscanos. Deixaremos unha mensaxe co novo enderezo nos lugares habituais dos carteis do club. (É posible que a biblioteca sexa utilizada polas equipas que participan no xogo Odisea).

Lembra traer o teu exemplar; para devolverllelos ao CPI da Baña.

Agardámoste!!!

Sin vuelta atrás de Sierra i Fabra

2010-01-11T21:37:00.008Z

O mércores 13 de xaneiro falaremos de Sin vuelta atrás, unha novela do coñecido escritor Jordi Sierra i Fabra.

Se desexas máis información sobre este libro, ou ler o seu primeiro capítulo, podes facelo na páxina da editorial SM: http//www.espaciolibros.grupo-sm.com/archives/204

Vémonos o mércores ás 16,30 horas na biblioteca do MGB. O chocolate e os churros nos axudarán a sobrelevar o frío (o invernal e o da temática).

Sobre o tema podes visitar os seguintes enlaces: http://www.acosomoral.org/indexbully.htm

http://www.acosoescolar.info/index.htm

http://contenidos.universia.es/especiales/bullying/consejos/index.htm

Ver o seguinte vídeo:

O chocolate con churros de Gregorio...

2009-12-10T00:51:00.002Z

O mércores 10 congregámonos as temerarias que non tiñamos medo a nos converter en bolboretas, cascudas ou escaravellos. Gregorio estivo a observar a escea cando Grete nos convidou a fumeante chocolate con churros. Que non estiveches? Pois perdícheo!

Para xaneiro leremos Sin vuelta atrás de Jordi Sierra i Fabra; hai exemplares suficientes na biblioteca. Cólleo antes do Nadal.

Quizais sexades convocados a unha mini reunión nun recreo, estade atentos:)

Podedes ler a entrada que un membro do club escribiu en Letras Frescas (si, é o blogue da túa dereita, tica e xa entras)

Mércores 9, Gregorio invita a charlar...

2009-12-09T00:45:00.003Z

O mércores 9 de decembro, a pesar dos temporais, dos exames, e outras molestias verémonos na biblioteca do MGB para comentar as nosas relacións con Gregorio. A consideración da súa familia, cotillear sobre a súa vivenda... Non parece oportuno comer nada, porque bichos seguro que haberá.

Un comezo de medo!

2009-11-18T21:04:00.006Z

Hoxe, 18 de novembro, reunímonos os novos e vellos membros do club para conversar sobre Frankenstein; algúns non remataran a lectura mais aportaban a versión cinematográfica. Alí comentamos a dificultade da obra, a xénese, as referencias autobiográficas na novela, as diferentes versións (sobre todo a incorporación do narratario, o capitánWalton), a electricidade na época, o mito clásico de Prometeo... A criatura deu para moito!

Para sobrelevar o medo os lectores inxerían unhas pirulas extraídas dunha caixa vermella.

Os membros do club decidiron que a próxima reunión sería o 9 de decembro para charlar sobre A metamorfose de Franz Kafka. Tendes exemplares da obra na Biblioteca.

Se non asistiches, solicita o teu carné do club, terás prioridade para levar a obra proposta!

Seredes convocados para unha reunión nun recreo para escoller a lectura de xaneiro... Ide pensando.

De volta!!!

2009-11-02T19:15:00.004Z

O club de lectura NA Estrada-525 comeza a súa nova andaina grazas ao poder de convicción (e sedución) dos seus membros máis veteranos. A convocatoria é para o mércores 18 de novembro ás 16.30 horas na biblioteca do MGB. Conversaremos sobre o Frankenstein de Mary Shelley. Se aínda non dispós dun exemplar, non dubides en preguntar na biblio: proporcionarémosche un.

Se desexas formar parte do club e aínda non te apuntaches, estás a tempo de facelo.

En maio, pola F de fantasía

2009-05-10T00:21:00.002+01:00

O mércores 13 de maio falaremos de novela fantástica. Seguro que tes moito que aportar... dende as lecturas da infancia ate o xénero da ciencia ficción; todo vale menos o realismo puro.

Vémonos ás 16,30 na biblio.

O 15 de abril, exilio e emigración

2009-04-14T20:34:00.012+01:00

O mércores 15 de abril, xusto á volta das vacacións de Semana Santa, verémonos para falar de obras "pola E" sobre exilio e emigración. Coma sempre a cita é as 16,30 na biblioteca do MGB.

En marzo estabamos cáseque tod@s

2009-04-14T20:33:00.002+01:00

Na reunión do 18 de marzo estabamos cáseque todos para falar de novela de detectives e de intiga, é dicir novela policiaca ou novela negra. E descubrimos que non era a temática preferida dos lectores; aínda así comentamos a Camilleri, Mankell, Conan Doyle, Agatha Cristie... e houbo quen recomendou o cómic de Blacksad.

Mira na foto se te recoñeces;)

Segue a pista!

2009-03-09T23:38:00.007Z

A próxima reunión, sobre a temática "D, de detectives e intriga", celebrarase no lugar e hora acordados.
Se formas parte desta sociedade secreta, lembrarás o día...

mércores 18 de marzo

(mércores 18 de marzo, shhhhh!!!)

Ollo cambiouse a data de reunión!

Foi de cómic!!

2009-02-13T21:48:00.005Z

Este mércores (11 de febreiro) charlamos sobre as nosas lecturas de cómics. Na conversa descubrimos a novos adeptos ao xénero; lectores que os aborrecían porque asociábanos ás lecturas da infancia e que comentaron que descubriran propostas sorprendentes nos cómics para adultos. Neste grupo incluíanse obras con referencias históricas, sociais, intimistas...
Na listaxe de Letras Frescas atoparás os títulos lidos cos comentarios dos lectores. Entra, mira, cotillea...
Moitos destes títulos telos na biblio do MGB!

Boa (e non tan breve) a reunión

2009-01-14T20:43:00.005Z

Sería pola extensión das obras ou polas vacacións que cáseque todos os membros do club comentaron máis dunha obra. As propostas foron do máis variado, dende Relato de un náufrago, ate O xiro postal.

Na conversa fíxose referencia a El hijo del acordeonista, porque a súa temática vinculouse á posguerra reflectida en Los girasoles...

Se desexas máis información ou deixar o teu comentario, consulta Letras frescas. É posible que a obra que queres comentar estea no historial do blogue porque xa aparecera en temáticas anteriores (por exemplo: 84, Charing Cross Road, Los girasoles ciegos...)

En xaneiro, lemos pola "B, de boa e breve"

2009-01-11T19:47:00.005Z

O mércores 14 de xaneiro, ás 16,30, na biblioteca do instituto, estades convocados para comentar as lecturas do Nadal, os relatos ou novelas de pequena extensión.

Vémonos alí. Acordádevos de levar as obras, para velas, tocalas, sentilas...

Comezamos ben o ano!

2009-01-11T19:43:00.003Z

O noso club de lectores acaba de recibir unha subvención da Dirección Xeral de Ordenación e Innovación Educativa para este curso 2008-2009. Xa estamos a facer as primeiras compras... Serán de cómic (para febreiro).

Alteridades alteradas...

2009-01-11T19:22:00.007Z

Con certo (e evidente) retraso, damos conta dos textos comentados no mes de decembro: Como saliva en la arena, Un viejo que leía novelas de amor, Persépolis, Un burka por amor, películas: Babel, La boda del Monzón.

Dous membros do clube, que non puideron acudir, nos fixeron chegar as súas lecturas: Os papalagui, Aroma árabe e El antropólogo inocente.

Se desexas máis información, consulta as súas recensións e comentarios en Letras frescas.

Pola A, de alteridades

2008-12-11T20:43:00.004Z

Neste curso decidimos comezar polo principio, por iso escollemos as nosas temáticas segundo a orde alfabética. O 17 de decembro vémonos ás 16.30 na biblioteca do instituto para charlar sobre "Alteridades: outras culturas, outras vivencias".

Se aínda non tes escollida a túa/s lectura/s podes consultalas no díptico da biblioteca (está no estante do club)... ou podes visitar a guía realizada pola FGSR http://www.sol-e.com/bancorecursos/guias/multi.pdf

Esperámosvos alí.

De volta!!! (e media)

2008-11-07T19:23:00.012Z

O club de lectores NA Estrada-525 retoma a súa andaina neste curso. Reunirémonos o mércores 12 de novembro ás 16,30, na Biblioteca do IES Manuel García Barros, para presentármonos.

Para participar neste club precisas moi pouco:
- Ter entre 14 e 90 anos.
- Estar vinculad@ ao IES Manuel García Barros (podes ser alumn@, persoal non docente, pai ou nai dun alumno, ou profesor@).
- Compartir as túas lecturas cos membros do club.

Se necesitas máis información sobre o club, podes falar con Chelo, Juana, Mayte e outros participantes na edición anterior (Paulas, Abel, Alba, María, Fany, Raquel...)

Se queres participar e non podes acudir ese día, fala con Mayte.

Esperámoste. Vémonos alí.

Unha papoula máis outra papoula fan un campo

2008-06-27T10:26:00.003+01:00

O mércores 25 de xuño a Asesoría de Bibliotecas Escolares reuniu en Santiago aos coordinadores de Clubs de Lectores en centros escolares de Galicia. Foi un ledicia descubrir a cantidade de persoas que deinteresadamente, ou moi interesadamente -polo pracer que produce- están a compartir lecturas con rapaces, pais, profesores...

Alí comprobamos a calidade das propostas xeradas dende os diferentes centros, ben dende as mesas de experiencias, ben nos materiais presentados ou nas intervencións espontaneas dende o público. O aprendido nestas xornadas tentaremos aplicalo no próximo curso.

Fin de traxecto... temporalmente

2008-06-24T23:02:00.004+01:00

O 4 de xuño reunímonos para compartir:

> lecturas sobre ou dende América Latina,

> cafés e pasteis,

> risas e fotos.

Aproveitamos tamén para avaliarmos o percorrido deste Club de Lectores e comentarmos o inicio da nosa próxima andaina, en setembro de 2008. Mentres, poderedes ir escribindo os vosos comentarios en Letras Frescas, lendo "Os imperdibles" (proximamente na pantalla do blogue) e ofrecer as vosas recomendacións de lecturas.

Boas vacacións lectoras!!!

O 4 de xuño: fin de festa

2008-05-25T23:56:00.003+01:00

O 4 de xuño (ás 16,30 horas) reunirémonos na biblioteca do IES MGB.

O tema do que falaremos é "América, América... máis ao sur", é dicir, da literatura escrita dende América latina. Xa tés o díptico cas propostas?

Pero, como esta reunión será a última do club de lectores... polo menos neste curso académico... temos preparada unha sorpresa para todos os membros do club. Non a perdas!!!

O 7 de maio. Tema: " Amore, amore"

2008-05-04T21:00:00.004+01:00

Neste mes no que -aquí en Galicia- esperamos que entre decididamente a primavera, invitamos a todos os lectores a compartir as súas lecturas sobre o amor.
Se a Fortuna decidise nesta estación do ano tan propicia, regalarche un amor, non quedes sen palabras... Moitos escritores antes ca ti xa buscaron as verbas máis axeitadas para manifestalo, susurralo, choralo, contalo ou soñalo.
Vémonos o 7 de maio, ás 16.30 na biblioteca do instituto.

Comentaba unha lectora do club que esquenceramos no listado inicial os títulos de O lapis do carpinteiro de Manuel Rivas e Ben quere a Anna de Peter Härtling. Recorda que o díptico cas propostas xa anda por aí.

Disfrútao.

O Día do Libro, falamos de libros

2008-04-27T20:06:00.004+01:00

Aínda que resulte redundante... non se nos ocurriu mellor forma de celebrar o Día do Libro que reunirnos para falar de libros, neste caso ca temática de "libros ao cadrado (ou libros sobre libros)". E sobre esta proposta os lectores aportaron achegas sobre La sombra del viento, La historia interminable, Los narradores cautivos, Dónde crees que vas y quién te crees que eres, Días de Reyes Magos, Los libros de la almohada, Firmin, algúns relatos de O único que queda é o amor, ... En Letras Frescas atoparás as recensións aportadas por todos os lectores, non as perdas! e recorda que ti tamén podes aportar os teus comentarios.
Ademais na reunión falamos do primeiro tomo das Memorias de Idhún, El curioso incidente del perro a medianoche, Mensaje cifrado e un álbum de A. Browne: En el bosque.

Celebramos o Día do Libro

2008-04-19T21:05:00.003+01:00

O próximo mércores 23 de abril, celebraremos o Día do Libro falando de Libros que tratan sobre libros. As propostas son variadas... dende unha rata que comenta os seus percorridos pola librería na que habita, ate a herdanza dunha muller china; a compra de libros dunha obsesiva lectora que solicita por correo os títulos á súa librería favorita; a recreación das obras clásicas por uns profesores secuestrados nun hotel; a desaparición da lectura nun mundo imaxinario; un extraterrestre que non pode abandonar a forma de libro; un pai que proporciona lecturas ao seu fillo disfrazado; unha trama policiaca sobre a escrita dun libro; un profesor que da a ler El diablo cojuelo ao seu alumno; un libreiro que conta historias e que case ninguén escoita...
Cando remate a reunión, xa poderás facer coincidir estas breves aproximacións coa obra á que remiten. Sorte!
Os membros do club reunímonos o mércores 23 de abril ás 16.30 horas na biblioteca do insti mgb.

Falamos da novela epistolar...

2008-03-26T18:56:00.006Z

Na tarde do mércores 26 charlamos sobre novelas epistolares; os títulos máis lidos foron Enderezo descoñecido e Cartas de inverno. Aínda que tamén se falou de "Cartas de mamá" en Las armas secretas, La amigdalitis de Tarzán, El color púrpura, 84, Charing Cross Road, Laluna.com e Cartas de amor. Se queres participar entra en Letras frescas (mira á túa dereita) e comenta as túas lecturas. Ollo! Enderezo descoñecido o atoparás no historial de Letras frescas, en febreiro.
Teremos que cambiar a data da próxima reunión (2 de abril), porque os profes asistirán ao claustro. Vémonos o 23 de abril. Vai lendo "Libros que falan de libros"; xa tés o quinto díptico?

O 26 de marzo "carteámonos"

2008-03-22T14:52:00.004Z

O mércores 26 de marzo verémonos na biblioteca do IES para falar das lecturas sobre novelas epistolares. Non esquezas levar recado de escribir!
Xa podes incorporar os teus comentarios en "Letras frescas".

Falamos da II Guerra Mundial

2008-02-20T23:14:00.002Z

O mércores 20 de febreiro estivemos a falar da II Guerra Mundial. As obras máis comentadas foron El niño con el pijama de rayas, El diario de Ana Frank, Enderezo descoñecido e Cuando Hitler robó el conejo rosa.
Como o tempo se nos fixo escaso e sabemos que algúns membros do club non puideron asistir, por participar nun curso para profes, podedes deixar os vosos comentarios en Letras frescas (xa sabedes, á vosa dereita).
Vémonos en marzo con "Escriu-me aviat...Escríbeme. A novela epistolar" Vos faremos chegar as propostas sobre o tema.

Vémonos o 20 de febreiro...

2008-02-01T20:03:00.000Z

Xa que o 6 de febreiro é festivo no noso instituto, deixamos a reunión do club de lectores para o 20 de febreiro. Prepara as túas lecturas sobre a Segunda guerra Mundial para ese día.
Recorda que incorporamos Enderezo descoñecido de Kressmann Taylor ao listado.

As viaxes de xaneiro

2008-01-23T23:28:00.000Z

Na última reunión sobre libros de viaxes, os membros do club falaron dalgunhas obras de interese (outras, as criticaron). Para ler os seus comentarios, vai ao vínculo a Letras Frescas (á túa dereita).
O próximo mes leremos sobre a Segunda Guerra Mundial.

Comenta...

2008-01-13T14:12:00.000Z

No blogue Letras Frescas poderás comentar con maior facilidade as obras que vas lendo. Se ó título do que desexas falar aínda non está nas entradas, dinos cal é e o incorporaremos.Participa!!

Xaneiro de viaxe

2008-01-09T19:38:00.000Z

O mércores 9 falamos de literatura de viaxes: dende Todos los puertos se llaman Helena, ate a Odisea, pasando por En el camino, Delicioso suicidio en grupo, Asústate, Merche! ou A expedición do Pacífico...
O 23 de xaneiro seguiremos a comentar obras de temática de viaxe. Unha lectora nos invita a ler Seda, de Alessandro Baricco... (tela a túa disposición na biblioteca do centro).

Celebramos que a Consellería de Educación concedeunos 1500€ para a posta en marcha deste club de lectores. (Publicado na páxina http://www.edu.xunta.es o 27 de decembro)
Xa estamos a matinar as prioridades nas compras. Pensa ti tamén que precisamos.

Decembro, a Guerra Civil

2007-12-13T18:41:00.000Z

O 12 de decembro reunímonos para falar do tema do mes (a Guerra Civil española), e moitos dos participantes no club comentaron Los girasoles ciegos de Alberto Méndez. As opinións coincidían na loanza deste libro formado por catro relatos.
Se desexades saber máis da obra, teredes que agardar os comentarios, ou podedes consultar as recensións -xa publicadas noutros medios- que atoparedes á dereita.

Xa comezamos...

2007-12-03T15:33:00.000Z

O mércores (28 de novembro) tivemos o primeiro encontro. Alí repartimos un díptico cas propostas de lectura para a próxima convocatoria: o 12 de decembro ás 16:30 horas na Biblioteca do IES Manuel García Barros.

O tema no mes de decembro será "A Guerra Civil española: a ti, como cho contaron?". Ás propostas alí recollidas, os participantes incorporaron:

Las trece rosas de Emilio Martínez Lázaro, 2007.(película)
LLamazares, Julio: Luna de lobos, Seix Barral, Barcelona, 1985.
Fernán Gómez, Fernando: Las bicicletas son para el verano, Espasa-Calpe, Madrid, 1998.
Tamén en película: Las bicicletas son para el verano, de Jaime Chávarri, 1998.
Fernández Ferreiro, Xosé: Agosto do 36, Xerais, Vigo, 2005.

Podes incorporar calquera lectura sobre o tema... estamos dispostos a escoitala.
¡Vémonos o mércores 12!

Comeza o percorrido de NA Estrada-525

2007-11-25T18:24:00.000Z

O club de lectores NA Estrada-525 ponse en marcha para compartir lecturas, películas...

Este club está aberto á participación de alumnos (a partir de 15 anos), profesores, persoal non docente, pais e nais... é dicir, á comunidade educativa do IES Manuel García Barros. A primeira reunión celebrarase o mércores 28 de novembro ás 15,45 na biblioteca do instituto. Aínda estás a tempo de inscribirte, no 2º recreo dos luns e os venres, ou ben fala con Chelo ou Mayte.

Este blogue permitirá a colaboración doutros lectores alleos ao centro.