Comida o 22 de xuño de 2015

O luns 22 de xuño compartiremos pizzas e charla. Ven a partir das 14.00 horas. Se recibiches un correo, se formas ou formaches parte do club neste ou en anos anteriores... achégate, estaremos encantados de recibirte.
Só recordade, os menores de idade, traer canto antes as autorizacións asinadas polos vosos pais.


 Esperemos escoitar música de violíns e o zumbido das moscas:)

Xantar o mércores 18 de xuño!!!

Reunión do club de lectura o mércores 18 comemos xuntos no instituto. Lembrade traer a autorización e ler o correo electrónico que vos enviamos. Agardámosvos ás 14,35 para celebrar o final do curso.

Enrugas, no Día do Libro, 23 de abril

Este mércores 23 de abril comentaremos...


Un cómic imprescindible que acompañaremos coa visualización da película.
Non te perdas o xantar xuntos para poder disfrutar da peli e da charla posterior.

Próximas reunións: 12 e 19 de marzo

O encontro para falar de Sostiene Pereira (Afirma Pereira na versión en galego) será o 12 de marzo ás 16:30.
O 19 de marzo comeremos xuntos para comentar a seguinte obra e ver unha película que logo comentaremos.
Se ainda non tes un exemplar de Tabucchi, pídeo.
Vémonos!

Interesante vídeo: Persoas-libro

Atopei no blogue do escritor Agustín Fernández Paz, esta proposta de persoas-libro... Algúns recordaredes ter feito algo similar...

Non vos perdades nin o vídeo, nin unha visita ao blogue de Agustín.

Mércores 13, ás 16:30 horas. Cita cun vello...

Esta será a nosa primeira xuntanza longa, por fin. Comentaremos a lectura de Un viejo que leía novelas de amor, de Luis Sepúlveda... É probable que vexamos algunha escea...
"Escea", non cea... Procuraremos rematar ás 18:00 ou 18:30 é dicir que cear, ceamos na casa, merendar... pode ser:)...
Vémonos na biblioteca. Agardámosvos.

Comida fin de curso, martes 25 de xuño

O martes 25 de xuño, día da entrega de boletíns, quedarémonos a comer todos os membros do club no instituto. Recordade que están tamén invitados os exmembros, os que andan polas universidades e polos centros de FP; estean por Galicia, España ou no estranxeiro... Avisádeos!!
Lembrade traer o/os exemplares dos títulos que lles recomendaredes ler aos vosos compañeiros no verán.
Tentaremos que os postres sexan caseiros ;)
Agardámosvos.

Recomendáchedes para o verán...

Os membros dos clubes de lectura Os retelladores do galiñeiro do IES Antón Losada e os de NA Estrada-525 recomendan a seguinte relación de propostas de lecturas para o verán. Segundo os rapaces, estes son os títulos que deben ser lidos antes de rematar a adolescencia.... Xa podemos poñernos a lelos... (algúns con máis urxencia ca outros, depende da idade:)

Mércores 16 de maio, vai de vampiros

Na tarde (posiblemente) chuviosa e fría (de maio!!) nada mellor que estar acompañad@ para espantar o medo que provoca o libro de Stoker...
Na biblioteca vémonos.

El Club del Miedo, cambiou á 27 de febreiro

A reunión convocada para o mércores 6 de febreiro foi adiada para o mércores 27 de febreiro por mor da folga de alumnos. Vémonos o 27 de febreiro ás 16,30 para falar ao redor de El club del Miedo, o novo cómic de Mariano Casas, quen estará con nós como autor e como membro do club de lectura.
Se aínda non o liches, pasa pola biblioteca no segundo recreo e pasarémoste un exemplar.
Ademáis, cada lector comentará outra obra de banda deseñada.
(Prepara os exames con tempo, para ter esa tarde libre...Che pesará se estamos todos xuntos e faltas ti)

Para reflexionar...

A seguinte noticia aféctache, porque ... non o escondas... ti tamén eres un lector@...
Podes aportar os teus comentarios neste blogue ou na páxina do xornal... Xa o comentaremos.

Mércores 23 de xaneiro: As lágrimas de Shiva

O mércores 23 de xaneiro ás 16,30 vémonos na biblioteca para charlotear de As lágrimas de Shiva. Recordade traer os exemplares que teñades, tamén os de La nieta del señor Linh.
Un glogster elaborado por alumnos para mirar...

Reunión-comida o 20 de decembro

Despois das clases, quedaremos na MeGaBiblioteca para compartir charla e bocata...
Falaremos de La nieta del señor Lihn, e repartiremos a lectura de xaneiro.
Vinde preparados. Despediremos as sesións do club deste 2012 para entrar con bo pé no 2013!!!

Reunión xoves 13 de decembro no 2º recreo

Precisamos vervos cinco minutos porque temos grandes sorpresas para vós: recados, propostas...

Vémonos no 2º recreo na biblioteca. Traede os exemplares de Cartas de amor e La nieta del señor Lihn (este último para intercambialo).

Mércores 5 de decembro, reunión no 2º recreo.

O 5 de decembro do 2012, haberá unha reunión no segundo recreo do clube de lectura. Traede os exemplares dos libros Cartas de amor, para devolvelos, e, o que estamos a ler, La nieta del señor Lihn.

Mércores 28 de novembro, recibimos Cartas de amor

O mércores 28 de novembro reunirémonos para charlar sobre os relatos de Fran Alonso recollidos en Cartas de amor. Vinde preparad@s para compartir risas (e as bágoas que algúns botáchedes durante a lectura).
Traede os exemplares que nos prestaron os IES de Fene, de Mugardos, de Catabois, de Silleda e do Antón Losada. Grazas a todos. Este curso non sobreviviríamos sen a xenerosidade dos clubes de lectura que nos proporcionan exemplares para distribuír entre os 37 lectores que formamos o club.
Vémonos na MeGaBiblioteca ás 16,30.
Páxina de Fran Alonso na AELG
Blog de Fran Alonso Cabrafanada
Podes consultar estes materiais de calidade elaborados por profesores galegos:
Blix
"Vigo nunha carta de amor" no blogue Revolta da freixa.
Guía de lectura  de Cartas de amor elaborada por IES Pino Manso

Martes 13, no 2º recreo mini reunión

No 2º recreo do martes 13, vémonos un momento para organizar o cambio de exemplares de Cartas de amor, comprobar se o número é suficiente... e as primeiras impresións... Traede os exemplares se os tendes.

Mércores 24 de outubro: primeiro encontro do curso

O mércores 24 de outubro (Día da Biblioteca Escolar) celebraremos a nosa primeira charla deste percorrido, é o noso particular quilómetro 0.  Xuntaremosnos ás 16.30 na biblio para comentar Mil soles espléndidos (ou o que nos dou tempo a ler ate o momento), sensacións sobre a obra, e.... (Tranquis, non virá o autor da novela).
Alí nos vemos. Recordade traer os exemplares que nos prestaron do IES de Monterroso.

Comida do 20 de xuño de picnic, se o tempo o permite

O mércores 20 de xuño celebramos o remate do quinto ano do club de lectura. Para desexarnos boas lecturas no verán, teremos unha animada reunión de CCC (comida, charla e Conan Doyle). Non esquenzades nin o exemplar de Estudio en escarlata (temos que devolvelos ás bibliotecas do CPI Afonso VII, do IES Aquas Celenis e á Municipal d'A Estrada que nolos emprestaron) nin o bocata.
Imos enfriando os refrescos:)

Martes, 26 de marzo, no 2º recreo

Martes 26 de marzo, vémonos no 2º recreo para distribuír as novas lecturas e recoller os exemplares de Skármeta.